1

مابحبش اكتب
لما بقرأ اللي كتبته مابحبش أنا اللي بين السطور
يمكن عشان كدا بعدت عن المدونة القديمة
أو يمكن عشان كلها صعبانيات وأحلام بدون خطوات على الواقع ومخططات مابتتنفذش
المهم إني رجعت وأنا لسه كارهه إني اكتب
بس حاسه إني فاضية جدا
وحاسه إني قطعت علاقتي مع البشر كلها وبطلت أتفاعل تفاعل حقيقي وعميق مع حد
حاسه بالوحدة ساعات
حاسه بالسطحية وإن مفيش حاجة مهتمه بيها اهتمام عميق يميزني أو يحدد شخصيتي
حاسه إني بدل ما اتحول لست بيت بقيت اسوأ .. على الأقل ست البيت عندها اهتمامات ومشاغل
يمكن الساعات الكتير اللي بقضيها على الفيس بوك هي السبب خاصة مع زيادة الفضفضانيات او استعراض الهوايات او استعراض اهتمامات كل شخص كنت تعرفه قبل كدا معرفة سطحية ثم بدأت تميزه مما يميزه
هاكتب تاني في محاولة بائسة في قتل كل الأحاسيس دي .. ع الله افلح المرة دي